Општина Сарај денеска повторно живееше со вековната традиција која восхитува – народното борење или далеку попознато како пеливанство.
Една од највредните спортски традиции во Македонија и на балканските простори, пеливанството, денеска собра бројни љубители на истото во Сарај. Меѓу нив и златниот македонски олимписки шампион Шабан Трстена, кој делеше совети за млади пеливани.
„Задоволство е да се биде дел од оваа голема манифестација, на која некогаш и јас учествува. Ова зелено поло пред многу години беше и мој мегдан, но сега сакам само со задоволство да ги гледам новите генерации пеливани кои се собираат од цела Македонија“ – вели Шабан Трстена.
Настанот мина во извонреден амбиент, повеќе од возбудливи борби согласно традицијата, и со гледачи многу повеќе и од најпопуларните спортови кои викендов се одржуваа во земјава.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
