Македонскиот фудбалски репрезентативец Александар Трајковски не беше дел од својот тим во победата на Хајдук над Вараждин од 3-1.
Како што пренесуваат хрватските медиуми Трајковски има проблем со листот на ногата, но неговата повреда не е сериозна. Од клубот од Сплит не сакале да ризикуваат, а веќе утре ќе се најде на собирот на нашата репрезентација.
„Црвено-жолтите“ прво на 17. ноември во Рим ќе играат против Италија, а три дена подоцна на националната арена „Тодор Проески“ во Скопје ќе ја пречекаат Англија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
