Денвер со нова феноменална партија славеше против Мајами во четвртиот натпревар од финалната серија во НБА лигата. Па, тимот од Колорадо сега има предност од 3-1 и е на само еден чекор од историски прв прстен во својата историја.
Никола Јокиќ, овој пат, не успеа да запише „трипл-дабл“ реализирајќи 23 поени, 12 скока и четиси асистенции, но повторно беше еден од најзаслужните за триумфот на тимот.
Токму затоа и тренерот Мајк Малоун се одлучи малку да се пошегува со српскиот кошаркар…
„Ви честитам на сите, но не славиме се уште. Мора да победиме уште еден меч“ – почна Малоун, и потоа почна со поединечни анализи за кошаркарите. А, кога дојде до Јокиќ:
„Никола, ме разочара затоа што не дојде до трипл-дабл вечерва. Но, добра работа заврши. Сакам да ти го дадам ова“ – дополни тренерот на Денвер и подари огромен ланец.
Тој ланец има симболична функција кај Денвер. По мечевите го добива оној играч кој, според мислењето на тренерот, бил најдобар на мечот.
“Congratulations…we’re not celebrating though.”
Coach Malone shouts out several Nuggets in the locker room after Denver’s Game 4 win to go up 3-1!
(via @nuggets)Game 5: Monday, 8:30 PM ET on ABCpic.twitter.com/oRyprY9Hzz
— NBA (@NBA) June 10, 2023
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА