Се подготвува ли третиот трансфер по големина во историјата на фудбалската игра? Саудискиот Ал-Хилал веќе сака да ја купи ѕвездата на Милан, Рафаел Леао, и за тоа, како што пренесуваат португалските медиуми, нема да штеди пари.
Од Ал Хилал планираат да ја платат отштетната клаузула која изнесува 175 милиони евра и потоа да дополнат со нови средства низ директен договор со фудбалерот на „росонерите“. Доколку трансферот се реализира, тој ќе биде третиот најголем во историјата по оној на Нејмар кој за 222 милиони евра од Барселона се пресели во ПСЖ и на Килијан Мбапе за кого ПСЖ на Монако му плати 180 милиони евра.
Според најавите, за Рафаел Леао се подготвува сума која не би ја заработил ниту за пет сезони во Серија А. Како што е познато, Ал-Хилал досега ги ангажираше и Митровиќ, Нејмар, Рубен Невеш и Милинковиќ-Савиќ.
🚨 Al-Hilal wants to sign AC Milan star Rafael Leão. 🇸🇦✍️
Leão’s father will travel to Saudi Arabia this week to negotiate with club. ✈️
The €175M release clause won’t be an issue for the Saudi club. 💸✅
(Source: @ojogo) pic.twitter.com/jI4wWY2Dec
— Transfer News Live (@DeadlineDayLive) May 23, 2024
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
