Манчестер Сити се пласираше во полуфиналето од Лигата на Шампионите благодарение на предноста стекната во првиот натпревар против Атлетико Мадрид одигран во Англија и за противник во следната фаза ќе го има Реал Мадрид.
Натпреварот на „Ванда Метраполитано“ заврши без гол во противничката мрежа, но го одбележа тензична атмосфера проследена со неспортски прекршоци, а тензиите не се смирија ниту по последниот свиреж на судијата.
Имено, на социјалните мрежи се појави видео од „третото полувреме“ во тунелот каде Црногорецот Стефан Савиќ продолжи со вербална расправија со Џек Грилиш, а нему се се приклучи и хрватскиот репрезентативец Шиме Вршаљко кој во целост ги изгуби живците.
Хрватот во неколку наврати се обиде да ги нападне играчите на Сити, по нив фрлаше со шишиња, а дури тројца соиграчите и луѓе од Атлетико се обидуваа да го смират. Не помогна ни тоа бидејќи спречувањето на физичка пресметка заврши со плукање кон играчите на англискиот тим.
🚨🚨🚨| Šime Vrsaljko was ready to fight the whole Manchester City squad. pic.twitter.com/Q4AKneDuz7
— Atletico Universe (@atletiuniverse) April 13, 2022
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА