Астон Вила ја забележа првата победа по паузата поради коронавирусот, славејќи на домашен терен против Кристал Палас со 2-0 и задржувајќи ги минималните шанси за опстанок во Премиер-лигата.
Вила имаше и многу среќа бидејќи Палас прв поведе по само осум минути игра, но ВАР со чудна одлука го поништи голот на Сакхо поради играње со рака иако од повторените снимки се чинеше дека дефанзивецот на гостите играше со рамо. Потоа на сцена стапи Египќанецот Трезеге, кој пред крајот на првото полувреме го донесе тимот на Астон Вила во водство, а потоа во вториот дел стави и печат на победата.
Астон Вила по денешната победа останува на 18. место кое значи преселба во Чемпионшип-дивизијата. Вила на три кола до крајот заостанува четири бода зад Ватфорд и Вест Хем, кои во следната рунда ќе играат еден против друг, додека Астон Вила на „Гудисон Парк“ ќе му гостува на Евертон.
Trezeguet gives Aston Villa the lead against Palace. #AVLCRY pic.twitter.com/zbM2N1TDV4
— Saquon. (@IAmSaquon) July 12, 2020
⚽ 58′ Trezeguet scores again vs Crystal Palace. 2-0. pic.twitter.com/0yvs5zSaGm
— OnlyFootballClips (@OnlyFootballCl1) July 12, 2020
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
