Македонскиот репрезентативец Иван Тричковски продолжува со извонредната форма во која игра во кипарскиот шампионат, стигнувајќи и до својот 20-ти гол сезонава во дресот на АЕК Ларнака.
Тричковски беше двоен стрелец во 21. коло од шампионатот на Кипар за о-2 за АЕК Ларнака на гостувањето против лидерот Анортозис.
Првиот гол беше вистинско ремек-дело на македонскиот напаѓач директно од слободен удар во 17. минута.
Вториот, ништо помалку ефектен, со глава по корнерот од левата страна.
Иван Тричковски со 20 гола е убедливо прв на листата на најдобрите стрелци сезонава во Кипар.
АЕК Ларнака со 35 бода е на петтата позиција на табелата во првенството на Кипар, осум бода помалку од водечкиот Анортозис.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
