Иван Тричковски ќе ја продолжи авантурата во редовите на АЕК Ларнака откако македонскиот голгетер ги договори условите за продолжување на соработката со овој кипарски прволигаш.
Тричковски и сезонава е најдобар стрелец на тимот со шест гола по првите пет одиграни натпревари, откако и во последните неколку сезони беше клучен играч на АЕК. Ова беше доволна причина за да се најде заеднички јазик и Тричковски да остане во тимот од Ларнака и по завршувањето на оваа сезона.
„Со задоволство можеме да објавиме дека е договорено да биде продолжена соработката со Иван Тричковски. Повеќе детали утре, по официјалниот потпис на договорот“, објави денеска кипарскиот клуб.
Тричковски е член на АЕК Ларнака од 2016 година, кога пристигна во оваа екипа од редовите на Легија Варшава.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА