Тројца македонски тенисер денеска во 1. коло ги завршија своите настапи на ИТФ Фјучерсот вреден 25.000 долари кој се игра во Скопје.
Настапот на турнирот е искуство плус за македонските тенисер, кои главно преку „вајлд-карта“ добија можност за настап на главната ждрепка.
Амар Хусеиновиќ загуби од Украинецот Тимур Биелдугин во два сета со 1-6 и 2-6, Марко Стоилковски загуби од Лука Петровиќ од Велика Британија со 4-6 и 1-6, и Обрад Марковски во меч кој траеше два часа, не успеа против Србинот Лазар Војиновиќ, губејќи со 3-6 и 4-6.
Денеска во 1. коло треба да настапи и најдобриот македонски тенисер Калин Ивановски кој, како четврти носител, ќе се соочи со Тибо Колсон од Белгија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
