Грчкиот тенисер Стефанос Циципас истакна дека фактот што се искачи на третото место на АТП листата му даде дополнителен ветар во грбот, па отсега посакува постојано да биде во топ – 3, иако негова главна цел е да го заземе првото место.
Во Роџерс купот, Цикипас беше елиминиран во полуфиналето од Опелка, а во Синсинати во второто коло го чека подобриот од дуелот Себастијан Корда – Ласло Гир.
„Секој турнир во САД има различни услови – некаде надморската височина е малку повисока, некаде влажноста е поголема. Неопходно е да се прилагодите. Лично, мојот моментален приоритет е да се префрлам од еден турнир на друг што е можно побрзо, без поголеми проблеми во играта. Тоа доаѓа со многу тренинзи, работа на фитнес и стекнување на на ментална сила. Не ми е цел да ја освојам секоја титула. Сакам да ја постигнам мојата цел (да бидам во топ 3), и за тоа морам да бидам и физички и психички подготвен, и да имам јасна слика пред мене. Од аспект на самодоверба, тој влез во топ 3 ми значи многу, тоа е значајна бројка. Сега мојата цел е да останам во топ 3 и постојано да додавам нови бодови секоја недела. Следниот чекор е број еден, се надевам дека ќе успеам наскоро“, заклучи Стефанос.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА