Црвена Звезда стави крај на серијата од четири порази во низа во најсилното европско кошаркарско натпреварување со убедлив триумф над Панатинаикос во Белград од 81-48. Избраниците на Радоњиќ повторно беа на врвот на својата задача во одбраната и сосема заслужено стигнаа до третата победа во елитното натпреварување.
Нејт Волтерс ги предводеше „црвено-белите“ со 18 поени и 3 скока, а него го следеа Холинс со 11 поени и 5 скока и Калиниќ со 10 поени и 3 асистенции. Кај гостите најрасположен беше Макон со 15 поени, а 10 поени забележа Сент-Рос.
Крај на серијата на порази стави и Фенербахче кој по три загубени дуели славеше на гостувањето во Москва против ЦСКА со 82-91. Вил Клајбурн беше првото име кај „армејците“ со 24 поени и 8 скока, додека Хекет додаде 15 поени и 5 асистенции. Нандо де Коло ги предводеше Турците со 18 поени и 3 асистенции, додека 17 поени и 7 скока додаде Јан Весели.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
