Црвена Звезда заслужено се пласираше во групната фаза од Лигата на Европа откако српскиот шампион славеше и на вториот дуел со Клуж, овојпат на гостински терен со 1-2. Избраниците на Дејан Станковиќ експресно ја оставија зад себе елиминацијата од ЛШ од Шериф и со два одлични меча го надиграа Клужи и ги продолжуваат настапите во ова европско натпреварување. Денешниот триумф беше и прилично среќен, ако се земе во предвид дека победничкиот гол на Павков беше постигнат по големата грешка на домашниот голман.
— SportBot (@SportBot11) August 26, 2021
Галатасарај со пресврт во второто полувреме го совлада данскиот прволигаш Рандерс со 2-1 и обезбеди пласман во групите од ЛЕ. Левиот бек Ван Анхолт израмни на 1-1, а турскиот гигант потоа со многу среќа стигна и до втор погодок кога Лауенборг несмасно си постигна автогол.
Фенербахче исто така се пласираше во групната фаза откако овој тим славеше со убедливи 2-5 на гостувањето против Хелсинки. Валенсија беше херојот на Фенер на оваа средба, постигнувајќи хет-трик за турскиот претставник на мечот во Финска.
АЗ Алкмар славеше на реваншот со Селтик со 2-1, но сепак е елиминиран бидејќи првиот меч во Глазгов заврши со триумф на шкотскиот гигант од 2-0.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
