Тренерот на Јувентус, Игор Тудор, навести дека тимот ќе се стреми кон големи цели за време на учеството на Светското клупско првенство. „Старата дама“ е во група со Ал Аин од ОАЕ, Видад Казабланка од Мароко и Манчестер Сити од Англија.
Тудор, кој пред неколку дена го продолжи договорот со Јувентус до 2027 година, најави дека тимот не е дојден на ова натпреварување колку само да учествува, туку и да направи успех.
„Постои возбуда бидејќи ова е прв пат да учествуваме на ваков турнир. Јуве отсекогаш имал амбиција да победи, а ние сакаме да го направиме тоа и овој пат. Свесни сме дека најдобрите тимови во светот се тука, но не дојдовме само за да учествуваме. Нека биде јасно. Нашето патување до САД беше долго, а сега мора брзо да се адаптираме на временските услови и новата временска зона, бидејќи ќе бидеме на теренот во среда“, коментираше Тудор.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
