Поранешниот тренер на Динамо Загреб, Зоран Мамиќ утрово е приведен во Босна и Херцеговина, пренесуваат медиумите во оваа земја. За Мамиќ беше распишана меѓународна потерница откако не се појави на отслужување на казната во Хрватска.
Тој беше осуден на четири години и осум месеци за нелегално извлекување на пари од Динамо Загреб. Мамиќ ќе биде изведен пред судија, а доколку се утврди дека има државјанство на Босна и Херцеговина тој нема да може да биде екстрадиран во Хрватска.
Истата процедура ја помина и Здравко Мамиќ кој беше прогласен за бегалец, а во моментов е во Босна и Херцеговина.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
