ЦСКА Москва се соочува со сериозен проблем откако беше обелоденето дека Торнике Шенгелија ќе мора да паузира два месеци по повредата на рамото заработена минатата седмица.
Грузиецот одигра феноменално постигнувајќи 33 поени во победата над Зенит, но притоа заработи незгодна повреда. Првите информации говореа дека Шенгелија ќе го пропушти само денешниот меч со Црвена Звезда, но дополнителните прегледи донесоа лоша вест за рускиот гигант.
„Нашиот кошаркар Торнике Шенгелија ќе мора да мине подолго време надвор од терените, по повредата заработена на мечот со Зенит. Врз Шенгелија беа извршени детални прегледи во ГМС Клиниката, а првите лекарски прогнози велат дека Токо ќе паузира најмалку два месеци“, објави ЦСКА на својата официјална веб-страница.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
