Антоан Гризман ќе може да го предводи нападот на Атлетико Мадрид на наредниот меч од Лигата на Шампионите против Милан, откако УЕФА реши да го „помилува“ одличниот голгетер.
Гризман „поцрвене“ на мечот во Мадрид против Ливерпул откако со „отворен ѓон“ стартуваше врз главата на Роберто Фирмино. Дисциплинската комисија на УЕФА му изрече казна од два меча неиграње, тој го пропушти вториот дуел со Ливерпул на „Енфилд“, но денеска жалбата на шпанскиот клуб беше прифатена, со што казната е намалена од два на еден меч суспензија.
Ова значи дека Гризман дефинитивно ќе биде во комбинација за настап на мечот со Милан, натпревар што „јорганџиите“ мораат да го добијат. По четири комплетирани кола Атлетико со четири бода се наоѓа на третото место во групата зад Ливерпул со 12 и Порто со пет бода, единствено пред Милан со еден освоен бод.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
