Украинската тенисерка Марта Костјук ја пофали Дарија Касаткина за нејзиниот „храбар чин“ и одлуката да се откаже од руското и да земе австралиско државјанство, па по нивниот меч во Рим одлучи да и пружи рака.
Касаткина официјално го промени државјанството во април оваа година, а претходно јавно ги критикуваше руските закони против ЛГБТК+ заедницата, како и војната во Украина.
Украинските тенисери, вклучително и Костјук, досега постојано одбиваа да се ракуваат со играчи од Русија и Белорусија, мислејќи на нивниот „личен став против руската агресија“.
„Кога некој не само што ја зборува вистината – ја нарекува Русија агресор – туку и ја потврдува со постапки, тоа заслужува почит“, напиша Костјук.
Украинката го доби натпреварот со максимални 2-0, по сетови 6-4 и 6-2.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
