Елиз Мертенс и Арина Сабаленка се нови шампиони на Австралија опен во двојки, тие во финалето беа подобри од Катерина Синијакова и Барбора Крејчикова со 6-2 и 6-3.
Мечот траеше 81 минута, а во првиот сет видовме три последователни брејка, по што Елиз и Арина ја презедоа контролата.
Во вториот сет, двојката Мертенс-Сабаленка спаси две брејк топки на третиот гејм, а потоа направи клучен брејк во осмиот. Ниту последниот гејм не беше лесен – три одбранети брејк топки и на крајот беше реализирана четвртата меч топка која донесе уште една титулата за Мертенс-Сабаленка. Ова е втора гранслем титула во двојки за нив, а првата ја освоија на УС Опен во 2019 година, кога во финалето ги совладаа Викторија Азаренка и Ешли Барти.
И Сабаленка и Мертенс имаа солиден настап и во сингл – Белорусинката беше елиминирана во тесен натпревар во осминафиналето од Серена Вилијамс, а во истата фаза Каролина Мухова беше подобра од Мертенс.
Championship smiles ??@SabalenkaA x @elise_mertens ?#AusOpen | #AO2021 pic.twitter.com/20xj5AIyZU
— #AusOpen (@AustralianOpen) February 19, 2021
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
