Услуга за Тотенхем: Меси на клупата за резерви

Тотенхем мора да брка победа на вечерашното гостување на „Камп ноу“, а домашниот тренер Ернесто Валверде значително им ја олесни задачата на „спарси“ со изборот на играчи за стартниот тим на Барселона на овој натпревар.

Суарез и Умтити според очекувањата не се во тимот, но Валверде изненади откако на клупата за резерви го пресели и Лео Меси, кој претхоно беше најавуван како сигурен стартер. Од остатокот од стартерите во екипата ќе ги нема ниту голманот Тер Штеген, но и главниот дефанзивец Пике.

Барселона вечерашниот натпревар ќе го стартува со овие единаесет фудбалери: Силесен, Семедо, Вермален, Ленглет, Миранда, Алена, Ракитиќ, Артур, Дембеле, Кутињо и Мунир.

На спротивната страна, Тотенхем ќе го почне мечот со: Љорис, Вокер – Питес, Алдерверелд, Фертонген, Роуз, Винкс, Сисоко, Ериксен, Деле Али, Сон и Кејн.

Се вчитува...