Вардар ќе биде ослабен на претстојниот меч од Лигата на Шампионите против Брест Мешков, откако тренерот Веселин Вујовиќ потврди дека неколку првотимци нема да можат да настапат в среда.
Анте Кудуз, кој не настапи ниту во Норвешка, повторно ќе биде „во аут“, а добра вест би требало да биде враќањето на голманот Борко Ристовски.
„Анте Кудуз малку избрза со рехабилитацијата, па сега има воспаление на тетивата. Повреда на дуелот со Радовиш заработи и Чувара, кој не изгледа добро, па сега целиот товар ќе падне врз Дибиров. Добра вест е што Борко се чувствува добро и најверојатно ќе биде во комбинација за овој натпревар“, истакна Веселин Вујовиќ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
