Вардар ќе биде сериозно ослабен за премиерата од новата сезона во Лигата на Шампионите против Мешков Брест откако Стојанче Стоилов не доби зелено светло да се врати на тренинзи и да настапи на гостувањето во Белорусија.
Капитенот на „црвено-црните“ веќе извесно време е во изолација откако беше позитивен на коронавирус, но „вардарци“ се надеваа дека тој ќе може да тренира по враќањето од Задар и ќе биде во комбинација за настап против Мешков. Сепак, македонскиот репрезентативец не доби зелено светло за враќање на тренинг, по што е повеќе од јасно дека тој нема да биде во комбинација за настап со Мешков, меч што на програмата е в среда.
Стоилов не чувствувал никакви симптоми на болеста, се наоѓа во добра здравствена состојба, но ќе мораме да почекаме уште извесно време за негово враќање на терените.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
