Двократниот европски шампион Вардар денеска на прес-конференција го откри својот нов спонзор, а се работи за германската компанија за ракометна опрема „Кемпа“ која влегува во структурите на скопскиот тим.
Во просториите на СЦ „Јане Сандански“ присуствуваа извршниот директор на Вардар, Борко Ристовски, како и директорот на компанијата „Кемпа“. Потврдена беше соработката и постигнатиот договор меѓу двете страни.
Оваа година „црвено-црните“ не изборија пласман во Европа, бидејќи играа квалификации за Европската лига на ЕХФ против гигантот Рајн Некар. Во плеј-офот од Суперлигата се зад Еурофарм Пелистер, а го освоија Суперкупот.
Денеска токму во СЦ „Јане Сандански“ со почеток во 18 часот Вардар ќе го одигра дербито против Е. Пелистер.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
