Македонскиот првак Вардар е планиран, како единствен клуб од Македонија, да биде дел од регионална фудбалска Мега лига, проект кој се планира да стартува од сезоната 2019/20, а опфаќа клубови од Романија, Бугарија, Србија, Хрватска, Грција, Македонија, Црна Гора, БиХ и Словенија, плус Израел, Кипар, Азербејџан, Грузија и Ерменија.
Овој проект детално е разработен од организацијата „Мега лига фондација“ и веќе е доставен и до УЕФА, а треба да го подобри финансискиот и фудбалскиот статус на клубовите учесници, како и федерациите на овие земји. Проектирана е и финансиска заработка од околу 200 милиони евра од продажба на ТВ права.
Елитната дивизија на фудбалската Мега лига ќе брои 20 клуба, меѓу кои е и Вардар, а вброени се клубови како Стеауа, Олимпијакос, Панатинаикос, Црвена Звезда, Партизан, Динамо Загреб, Хајдук Сплит, Макаби Тел Авив, Макаби Хаифа, Левски, ЦСКА Софија, АПОЕЛ, Омонија, Олимпија Љубљана, Марибор…
Планирана е и втора дивизија од Мега лига, во која треба да настапуваат 22 клуба, но без ниту еден од Македонија. Таму се вброени клубови како Ријека, ПАОК, Нефчи, Војводина, Беитар Ерусалим, Тирана, Цимбру…
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
