„Вардарци“ утрово заминаа за Аланија, Турција каде наредниот период ќе се реализираат финалните подготовки за пролетниот дел од сезоната.
Крајно неизвесната ситуација во која е западнат најтрофејниот македонски клуб доведе до тоа со изменет играчки кадар Вардар да замине на подготовките, со 12 младинци во тимот и само едно ново име Бразилецот Жуниор кој дојде од Македонија ЃП.
Вардаровата експедиција останува во Аланија до 4. февруари, за кога е предвидено враќањето во Скопје. Таму ќе бидат одиграни седум контролни натпревари, од кои четири се веќе закажани. На 19. јануари, првиот „тест“ за Вардар ќе биде тимот на Иртиш Павлодар, а три дена подоцна ќе се одмерат силите со Сумгавит од Азербејџан. На 28. јануари ќе се игра против Александрија од Украина, а на 2. февруари следува дуел со Черно Море. Ќе бидат одиграни натпревари и на 26., 28. јануари и на 3. февруари, а противниците дополнително ќе бидат договорени.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА