Ракометарите на Вардар ја потврдија титулата во домашниот шампионат, откако во последното коло во „скопското дерби“ славеа убедливо над Металург со 39-27. „Црвено-црните“ клучната разлика ја направија во средината на првото полувреме кога успеаја да му се одлепат на противникот и на пауза да заминат со убедливи 20-9.
Второто полувреме беше само одработување на работата за конечен триумф од 39-27. За „црвено-црните“ ова е 14. титула во домашниот шампионат со која остануваат неприкосновени на вечната листа.
Пелистер кој на крајот ќе заврши како второпласиран на табелата со убедлива победа над Охрид од 30-19 ја заврши годинашната авантура.
Покрај Вардар и Пелистер, Македонија следната сезона во европските натпреварувања ќе ја претставуваат и Пролет и Металург.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
