Варди се повлекува од англиската репрезентација

Екипа
28.08.2018 / 16:26
СПОДЕЛИ:

Share

Tweet

Џејми Варди ја завршува репрезентативната кариера. Тој го информирал селекторот на англискиот национален состав, Герет Саутгејт, дека е вистинското време да се повлече и да се фокусира само на клупскиот фудбал.

Напаѓачот на Лестер, кој во јануари ќе наполни 32 години, вели дека за оваа одлука имало повеќе фактори меѓу кои и возраста како и потребата да минува повеќе време со семејството. Особено што неговата позиција во англиската репрезентација е неизвесна иако се наоѓа во составот. Варди има 26 настапи за „гордиот Албион“ и од првиот повик во мај 2015 година постојано беше на репрезентативниот список.

Уште пред крајот на Светското првенство во Русија, Варди му наговестил на Саутгејт дека решил да се повлече, а тоа го потврдил пред две седмици кога Саутгејт му се јавил да провери дали се предомислил во пресрет на дуелот на Англија со Шпанија на Вембли на почетокот на септември.

Саутгејт смета дека Варди „има уште многу да и понуди на репрезентацијата“, но и дека сепак ги разбира неговите причини. Се договориле дека сепак не треба да ја „затворат вратата комплетно“ и дека играчот не Лестер би помогнал во случај на голема криза со повреди.

Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА

Варди се повлекува од англиската репрезентација

Последни објави

Најчитани објави оваа недела

Најчитани објави овој месец