Вардар игра одлично по рерпезентативната пауза во ПМФЛ откако за првпат сезонава успеа да врзе две победи во низа против Борец и Академија Пандев. Тренерот на „црвено-црните“ Александар Васоски вели дека се осоколени од двете победи во низа и добрата серија сакаат да ја продолжат и во Кратово.
„Осоколени сме од двете победи против Борец и Академија Пандев. Иако Силекс е квалитетен тим ние одиме по три бода и во Кратово. Имаме проблеми со ситни повреди кај некои фудбалери и најверојатно Дарко Мицевски и Бојан Најденов повторно ќе бидат надвор од тимот. Сепак и покрај малите проблеми кои ги имаме ние одиме на три бода и на овој меч“, вели Васоски.
Натпреварот кој ќе се игра во Кратово е закажан за утре со почеток во 13 часот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
