Довчерашниот фудбалер на Трепча, Стојанче Велинов по завршувањето на соработката со косовскиот прволигаш својата кариера ќе ја продолжи во редовите на Академија Пандев.
Како што дознаваме, Велинов веќе е во Струмица каде се финализирани преговорите со „пандевци“ па по докомплетирањето на неопходната документација од Косово се очекува и официјално да биде промовиран во новиот клуб. Сепак, поради финишот на полусезоната и соодветната регулатива право за настап во новиот клуб ќе има најверојатно дури за пролетниот дел од шампионатот.
29-годишниот крилен офанзивец имаше понуда за продолжување на кариерата и во второлигашот Струга Трим Лум, но сепак се одлучи за почеток на идна соработка со Академија Пандев.
Велинов претходно во својата кариера има настапи и за Брегалница, Тетекс, Силекс, Ренова и Работнички во домашното првенство.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
