Арсенал загуби од Стоук со 1-0 во второто коло од Премиер лигата, и покрај доминацијата во текот на целиот натпревар.
Па, менаџерот на „топчиите“, Арсен Венгер не го крие разочарувањето од поразот. Арсенал имаше 18 шута кон голот на домашните а не успеа да постигне ниту еден погодок.
„Овој пораз тешко можам да го проголтам. Според играта требаше да победиме. Немавме среќа“ – вели Венгер и дополнува:
„Како и да е, немам оправдување за поразот. Примивме евтин гол, а не успеавме и ние да постигнеме. Ова беше натпревар кој едноставно мора да го добиете. Не смееме на овој начин да губиме бодови“.
Интересно е дека Стоук во последните осум дуели на домашен терен против Арсенал има само еден пораз.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
