Менаџерот на Арсенал, Арсен Венгер, би сакал да ја засили одбраната на својот тим во последните неколку дена од летниот преоден рок. Негова цел е дефанзивецот на Саутемптон, Вирџил ван Дајк, кој се најавуваше и како засилување за Ливерпул и за Челси. Сепак, засега е се уште член на Саутемптон.
Венгер го доведе Колашинац ова лето, се ослободи од Габриел, а најверојатно и Мустафи ќе си замине од клубот. Но, Венгер смета дека неговата одбрана би била многу поцврста со Ван Дајк. Подготвен е да плати 45 милиони фунти за овој одличен одбранбен фудбалер.
Во последните денови од летниот преоден рок и Арда Туран, турскиот интернационалец од Барселона, би можел да пристигне во Арсенал и тогаш Венгер би имал навистина ростер за респект за претстојната сезона.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
