Веспрем покажува знаци на будење од повеќемесечниот сон од стартот на сезонава откако унгарскиот гигант вечерва во одличен меч на гостински терен го совлада Рајн Некар-Левен со резултат 25-29. Дуелот на македонските репреззентативци Филип Талески и Дејан Манасков заврши со триумф на крилниот играч, иако и двајцата немааа позначајни улоги во играта на својот тим. Во главна улога беше гостинскиот голман Роланд Миклер, кој доби шанса пред Арпад Штербик и бранеше феноменално, носејќи ја победата на унгарскиот вицепрвак.
Првото полувреме донесе израмнета игра, на одмор се замина со резултат 13-14, за Веспрем да се одлепи на 16-20 по исклучувањето на Талески, добиено непосредно откако македонскиот бек постигна погодок. Унгарците поведоа со 21-26, „лавовите“ е приближија на 24-26, но по тајмаутот на Дејвис гостите повторно заиграа цврство во одбраната, на крајот славејќи со четири гола разлика.
Талески и Манасков постигнаа по еден гол за своите екипи, а најефикасни на натпреварот беа Менсах Ларсен со шест кај Рајн Некар-Левен и Мае кај Веспрем, кој шест пати го матираше Палицка.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
