Леванте врза две победи во серија во „Ла Лига“ по денешниот триумф над Валјадолид од 2-0, за кој меѓу најзаслужните дефинитивно е Енис Барди.
Македонскиот репрезентативец влезе во игра во 77. минута на местото на Борха Мајорал, а само пет минути подоцна учествуваше во акцијата при победничкиот гол за Леванте. Барди одлично се снајде по левата страна и нафрли кон шеснаесетникот, топката со малку среќа стигна до Леон, кој ја смести во мрежата на гостинскиот состав.
Конечните 2-0 беа поставени во судиското продолжение, во акција во која Барди извонредно додаде кон шеснаесетникот, за Моралес од втор обид да го совлада голманот Валјадолид.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА