Интер успеа да триумфира на гостувањето против Борусија Менхенгладбах со 2-3, задржувајќи си ги шансите за пласман во осминафиналето од Лигата на Шампионите.
Со овој резултат „нероаѕурите“ конечно ја прекинаа и серијата слаби резултати на гостувањата во Германија, со оглед на фактот дека Интер немаше триумф во оваа земја во последните девет и пол години.
Последната радост на овој тим е од март 2011 година, кога на „Алијанц Арена“ славеа над Баерн со 2-3, и тоа со голот за победа што во самиот финиш го постигна Горан Пандев.
Да се потсетиме на големата мајсторија на Македонецот на дуелот со баварскиот гигант.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА