Рома ќе игра во четвртфиналето на Лигата на Европа откако ремизираше без голови на гостувањето против Реал Сосиедад на реванш дуелот од осминафиналето. По победата од 2-0 во Рим, „волчицата“ сосема заслужено се најде меѓу осумте најдобри екипи во второто по квалитет европско клупско натпреварување.
Арсенал, пак, ќе игра продолженија со Спортинг Лисабон откако ремизираа (1-1) во регуларниот дел од мечот. И првиот меч во Португалија заврши без победник, 2-2.
„Топчиите“ први поведоа со голот на Џака во 19. минута, но Спортинг израмни со голот на Педро Гонсалвеш во 62. минута. Маестрален гол на Педро Гонсалвеш кој спречи Арсенал да обезбеди во регуларниот дел пласман во четвртфиналето во ЛЕ.
Баер Леверкузен победи со 0-2 на гостувањето против Ференцварош со идентичен резултат со кој победи и на првиот домашен дуел пред своите навивачи.
Ројал Унион се пласираше во четвртфиналето откако го победи Унион Берлин со убедливи 3-0. Првиот натпревар во Берлин заврши без победник, 3-3.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
