Македонскиот младински репрезентативец Марио Илиевски го постигна и вториот гол сезонава во дресот на унгарската Кишварда.
Во 17. коло од шампионатот на Унгарија, Илиевски постигна прекрасен погодок во 34. минута по одлична акција на домашните и асистенцијата на Бобан Николов за водство на полувремето од 1-0 на Кишварда во пресметката со Ујпешт.
Илиевски е стартер во составот на Кишварда, а од 1. минута на дуелот во дресот на домашните е и Николов.
Но, Илиевски не запре само на тоа, па во 47. минута извонредно асистираше и за вториот гол на својот тим кој го постигна Навратил за водство од 2-0.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
