Страшна повреда се случи на вчерашниот ракометен натпервар во Лигата на шампионите помеѓу Веспрем и Фуксе Берлин, во рамките од шестото коло од најелитното клупско натпреварување во Европа.
Гостите на крајот триумфираа со 32-31, но тимот од Берлин останува без еден од своите најдобри ракометари.
При израмнет резултат 7-7, Фабијан Виде заработи сериозна повреда на коленото по незгодното слетување. 31-годишниот германски репрезентативец и еден од клучните играчи веднаш побара помош, и со носилки беше изнесен од теренот, а сите во неверување се држеа за глава после оваа повреда.
Не е позната тежината на повредата, но според првите проценки, станува збор за кинење на лигаментите на коленото, со што за Виде се чини дека сезоната е завршена.
Страшната повреда на Фаби Виде може да ја погледнете ТУКА.
View this post on Instagram
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
