Кога пред две години Новак Ѓоковиќ во епското финале по пет часа игра го совлада Роџер Федерер, никој не претпоставуваше дека тоа ќе биде последниот меч во две години на вимблдонската трева.
Пандемијата од коронавирусот доведе до тоа минатата година да биде откажан најпознатиот тениски турнир во светот, па затоа сега за секој тениски фан исчекувањето за првиот поен на Централниот терен во „Ол-ингланд“ клубот е уште поголемо.
Уште поголемо е значењето на овој Вимблдон поради тоа што Новак Ѓоковиќ може да стинге до 20 гранд-слам титула и со тоа да се израмни на врвот на вечната листа со најголемите ривали Роџер Федерер и Рафаел Надал. Популарниот Рафа одлучи по поразот во полуфиналето на Ролан Гарос од Србинот, да го откаже учеството во Лондон, а Роџер Федерер е енигма бидејќи во последните две години не одигра повеќе од десет натпревари.
Кај дамите Серена Вилијамс веројатно ја има последната шанса да стигне до бројката од 24 гранд-слема на нејзиниот Вимблдон и да се израмни со легендарната Маргарет Корт на вечната листа. Кај дамите навистина се е можно и нема изразита фаворитка на секој гранд-слем нешто што го покажа и Ролан Гарос каде изненадувачки триумфираше Барбора Крејчикова.
Виолетово-зелено, јагоди со шлаг и шампањ, малку лондонски дожд и многу драма и емоција во потера по вечноста. Следните две недели се најважните во годината на секој заљубеник во тенисот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
