Реал Мадрид има максимален ефект од стартот на сезонава, но „кралевите“ ќе имаат сериозен предизвик да ја продолжат победничката серија и на големото мадридско дерби против Атлетико што е на програмата викендов.
Тренерот Карло Анчелоти се соочи со нов проблем откако Винисиус ја загуби трката со времето и дефинитивно нема да може да настапи за „кралевите“ на овој значаен натпревар. Тој во изминатите денови тренираше индивидуално по повредата на мускулот, но не го забележа неопходниот напредок, се уште е без тренинг со остатокот од тимот, по што дефинитивно отпадна од комбинација за настап против Атлетико.
За потсетување, Анчелоти не може да смета ниту на Куртоа, Милитао, Карвахал, како и на турскиот мегаталент Ѓулер, кој поради повреда на коленото ќе мора да почека за своето деби во дресот на Реал Мадрид.
Надежите на „кралевите“ повторно ќе бидат во одлично издание на Џуд Белингем, откако англискиот ас постигна шест гола на првите шест средби на „кралевите“, дел од нив победнички во самиот финиш од натпреварите.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
