Кошаркарскиот репрезентативец на Македонија, Шејн Витингтон, неочекувано среде сезона ги промени клупските бои потпишувајќи договор со екипата на Естудијантес. Американецот со македонски пасош ја почна сезоната како член на Андора, за овој тим имаше просек од 9,7 поени и 3,8 скокови по натпревар, но за време на празничниот период беше донесена одлука за промена на клупската средина.
Витингтон немаше проблеми да најде нов клуб, па од денеска е нов член на „студентите“ од Мадрид. Преговорите со Естудијантес експресно беа завршени со успех, па Шејн заминува на лекарски прегледи во главниот град на Шпанија, по што ќе следи и потписот на договорот.
Тој има искуство од настапи во Ендеса-лигата, со оглед на фактот дека сезоната 2016/17 ја мина во тимот на Обрадорио, каде имаше просек од 11,7 поени и 5,5 скокови по натпревар.
Шејн Витингтон настапи за македонската репрезентација на последниот натпревар против Косово, на кој „црвено-жолтите“ направија уште еден чекор напред кон пласман во главните квалификации за Евробаскет 2021.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
