Напаѓачот на Јувентус, Душан Влаховиќ се чини стави крај на сите шпекулации околу негов иден трансфер. Србинот дојде во Торино од Фиорентина во 2022 година, и оваа сезона игра одличен фудбал.
Иако се шпекулираше дека може да биде продаден, сепак, тој кажа дека сака да остане во клубот, и да стане легенда на „бјанконерите“.
„Трансферот во Торино беше голема промена за мене. Од првиот ден тука се чувствувам како дома. За мене како и за секој фудбалер, фудбалот ми е се. Единствено што размислувам е фудбал. Тука посебно место ми е музејот. Можете да најдете дресови на играчи кои одиграле преку 300 натпревари. Горд сум што сум дел од овој клуб, и се надевам дека ќе го најдам своето место во музејот. Ќе се потрудам. Мојото најдраго место е собата со трофеи, постојат натпреварувања на кои сите сакаат да победат, а тие се и мој сон“, изјави Влаховиќ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
