Претседателот на Рома, Џејмс Палота беше бесен по синоќешниот натпревар против Порто во Лигата на шампионите. Португалците ја елиминираа Рома по продолженијата со гол во 117. минута за 3-1.
„Волчицата“ во последните моменти од второто продолжение многу лесно можеше да добие пенал откако Патрик Шик беше соборен во казнениот простор, но иако беше прегледан и ВАР, удар од белата точка не беше досуден.
„Минатата година побаравме ВАР во Лигата на шампионите затоа што бевме уништени во полуфиналето, но и сега ни се случи истото иако постои ВАР. Шик беше соборен, ВАР тоа го докажува а сепак ништо не е судено. Веќе ни се гади од ова сра.е. Немам што повеќе да кажам“ – изјави синоќа Палота.
Според најавите, челниците на Рома размислуваат и за отказ за тренерот Ди Франческо.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
