Во сабота Илија Несторовски ќе се збогува од фановите на Удинезе. Македонскиот напаѓач ќе го игра „последниот танц“ во Удине, град кој ги мина последните три години. Му истекува договорот, и истиот нема да биде продолжен.
„Газета“ пишува дека Несторовски може да му даде шанса и меѓу стартерите за да има достојно збогум со навивачите.
Следната дестинација на Нестор ќе биде позната во следниот период, и најверојатно ќе остане во Италија откако неколку клуба од Серија „А“ и Серија „Б“ се заинтересирани за него.
Несторовски во 2019 година дојде во Удинезе. Претходно беше дел од Палермо, од Интер Запрешиќ, а играше и во Победа, Словачко, Викторија Жижков и Металург. За националниот тим има 46 настапи и постигнато 10 гола.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
