Војдан Стојановски и Данкерк претрпеа уште еден пораз, четврти во петтиот меч од француското првенство откако вечерва загубија на домашен терен од Дижон со резултат 67-81. Гостите допатуваа во Данкерк со перфектни 3-0 во досегашниот дел од сезоната и успеаја да наметнат силно темпо што Стојановски и соиграчите не успеаја да го следат.
Дижон водеше во текот на целиот натпревар, но гостинските кошаркари клучната предност ја создадоа кон крајот на третата и почетокот од четвртата четвртина, кога стигнаа до двоцифрена позитива што рутински ја задржаа до самиот крај.
Македонскиот репрезентативец одигра 18 минути и реализираше седум поени, сите во првото полувреме (0/3 за тројка, 2/2 за два, 3/3 за еден поен).
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
