Војдан Стојановски ќе игра во полуфиналето од плејофот во германскиот шампионат откако со екипата на Олденбург славеше со максимални 3-0 во четвртфиналната серија против Бон.
Домашниот терен беше доволен адут на Олденбург на денешниот трет меч, на кој тимот на Македонецот повторно го надигра противникот и триумфираше со убедливи 97-84. Македонскиот капитен немаше свој шутерски ден, постигнувајќи само два поени со слаб шут од поле (1/8). Најефикасни во таборот на Олденбург при денешната победа беа Камингс со 27 и Бут со 25 поени.
Следен ривал на Стојановски и соиграчите ќе биде подобриот од серијата Алба – Улм, во која тимот на Алба има водство од 2-0.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
