Македонскиот ММА борец, Александар Волкановски искажа сериозна почит кон Мовсар Евлоев пред нивната меѓусебна борба за титулата на УФЦ 333.
Двајцата ќе се судрат на 24 октомври во Абу Даби, а Австралиецот со македонско потекло на еден месец пред борбата вели дека токму против таков противник и сакал да ја брани титулата. За Евлоев, пак, ова ќе биде прва шампионска борба во УФЦ.
„Како што секогаш велев – ако го заслужуваш тоа, тогаш ти си човекот со кого сакам да се борам. Сите знаат дека Мовсар заслужуваше борба за титулата. Мило ми е што сега ја добива својата шанса“, вели Волкановски.
Евлоев досега нема ниту еден пораз во професионалната кариера. 32-годишниот Русин има 10 победи во 10 борби во УФЦ и сега ќе го направи најголемиот чекор во кариерата.
Сепак, сега ќе се соочи со еден од најетаблираните шампиони во перо категорија. 37-годишниот Волкановски има 28 победи и четири порази како професионалец.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
