Повеќегодишното екстремно навивачко насилство во полскиот град Краков викендов однесе уште една човечка жртва. Во округот Нова Хута брутално е убиен навивач на фудбалскиот клуб Хутник, кој се натпреварува во третата полска лига.
Според првичните информации од Полска, зад нападот стојат членови на навивачката група на Висла Краков. Неофицијалните извештаи и видео снимките од местото на настанот откриваат грозоморни детали. Кон несреќното момче била испукана светлечка ракета. Иако жртвата се обидела да побегне, паднала на сред улица. Веднаш потоа, неколку напаѓачи почнале брутално да го тепаат, оставајќи го беспомошно да лежи на асфалтот, каде што им подлегнал на повредите.
Полицијата веднаш презеде опсежни мерки и досега уапси 10 лица поврзани со овој свиреп чин. Истрагата е во тек за целосно расчистување на случајот и утврдување на одговорноста на сите инволвирани во новата трагедија што ја потресе полската јавност.
Kolejna, niepotrzebna, ofiara w świętej wojnie krakowskiej. Nie żyje kibic Hutnika. Aresztowano kilkanaście osób – kibiców Wisły Kraków.
Z niepotwierdzonych informacji – przed tym, co widać na filmie, w ofiarę wystrzelono rakietnicę.
Sprawa jest rozwojowa. pic.twitter.com/eGhVdjeDH5— Szalony Reporter (@szalonyreporter) August 22, 2026
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
