Лидерката на ВТА, Ешли Барти ја предводи листата од пет имиња која ја објави светаката асоцијација за изборот на најдобра тенисерка за 2019 година. Заедно со Австралијката на списокот се и Бјанка Андреску, Симона Халеп, Наоми Осака и Каролина Плишкова.
Покрај ова признание, ВТА ќе додели и уште неколку награди. Аманда Анисимова, Софија Кенин, Алисон Риске, Белинда Бенчич, Женг Саисаи и Дона Векиќ се во конкуренција за наградата – тенисрка со најголемо подобрување во оваа година. Бенчич заедно со Светлана Кузњецоива и со Бетани Матек-Сендс се во игра за признанието повратничка на годината.
Бјанка Андреску и Коко Гоф се фавортки за признанието – ново име на годината за кое се тркаат и Каролина Мучова, Елена Рибакина, Ига Свјатек и Дајана Јастремска. За добитничките на наградите гласаат преставници на медиумите. Лауретките ќе бидат прогласени на 11. декември.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
