Фудбалерите на Борец продолжуваат во победнички ритам во Втората лига Исток. Во рамките на 13.коло, Борец на домашен терен ја совлада Брегалница со 3-2 и се зацврсти на првата позиција на табелата со 34 бода. Кристијан Николовски и Тони Мирчевски пред крајот на првиот дел обезбедија водство од 2-0 за велешкиот второлигаш, Кристијан Велиновски намали во 52.минута, но Роберт Коцев осум минути подоцна постигна трет погодок за Борец и ги разреши дилемите, иако ветеранот Ристе Наумов во 87.минута постигна втор гол и за штипјани.
Тиквеш го следи лидерот Борец, иако има негатива од шест бода на второто место. Кавадарчани славеа минимално со 1-0 пред домашната публика против Кит Го. Методија Делов во 65.минута беше стрелец на победничкиот погодок за Тиквеш на овој дуел.
Лазар Пеев му донесе минимален триумф (0-1) на Кожуф на гости против Партизан Обршани. На мечот Каменица Саса – Плачковица немаше голови. Детонит го доби дуелот со Вардар Неготино со 3-1.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
