Во последниот натпревар од 19. коло во Втората лига – Исток, Брегалница убедливо славеше против Вардар Неготино со 4-0.
Штипјани победата ја најавија уште во првото полувреме со головите на Ристе Наумов во 7. минута од пенал, и на Никола Серафимов во 44. минута. Во вториот дел следеа уште два погодоци на „сините“, преку Иве Трифуновски од пенал во 84. минута и Лазе Илиев во 90. минута.
Со најновите три бода, Брегалница се зацврсти на четвртата позиција на табелата со 37 бода, два помалку од третопласираниот Кожуф и пет помалку од второпласираниот Тиквеш.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
