ВТОРА ЛИГА – ЗАПАД: Струга ТЛ убедливо, Пелистер извлече реми во Гостивар во 88. минута

Струга Трим Лум запиша убедлива победа од 6-0 против Гоблен јуниор во 21. коло од Втората лига – Запад со која дополнително се зацврсти на водечката позиција.

Стрелци на головите за стружани беа младиот Абдулхади Јахја во два наврати, Цветаноски, Лена, Касами и Османи.

Пелистер успеа да извлече реми (2-2) на гостувањето против Гостивар благодарение на голот на Петар Љамчевски во 88. минута. Претходно, Башким Љама и Љавдрим Скендери во два наврати носеа водство за гостиварци, а Благојче Главевски беше стрелец на првиот гол за Пелистер.

Скопје и Тетекс ремизираа (1-1) во Автокоманда. Есмин Личина од пенал во 15. минута донесе водство за Скопје, а израмнувачкиот гол за „штофарите“ го постигна Валон Зеќири во 22. минута.

Лабуништа не успеа да стигне до триумф против Генч Калемлер, играјќи натпревар без голови.

РЕЗУЛТАТИ – 21. КОЛО

Велазерими – Кораби 2-0

Лабуништа – Генч Калемлер 0-0

Гостивар – Пелистер 2-2

Скопје – Тетекс 1-1

Струга ТЛ – Гоблен јуниор 6-0

Се вчитува...